Тастаяқшылар маусымашар жасады

Тәуелсіз кәсіпкерлер қауымдастығы жанындағы «Билярд клуб» Алматыдағы «Бастау» бильярд клубында жазғы демалыстан кейінгі маусымын бастады. Жаз бойы қолына кий ұстамаған кәнігі тастаяқшылар бильярдты сағынып қалғанын бірден байқадық. О баста бірнеше адамнан құралған «Бильярд клубытың» қазір 30 астам тұрақты ойыншылары бар. Олардың бәрі кәсіпкер.

Шағын және орта бизнестің тірлігенін босағанда бір уақыт шар ұрып, шаршауды басуды әдетке айналдырған жандар. Бір сөзбен айтсақ, қауымдастыққа мүше кәсіпкерлердің арасына тастаяқтың «тастай батып, судай сіңгеніне» де біраз болды. Өз кезегінде кәсіпкерлер шарларына шаң, кийлеріне кір жұқтырмай жүр. Кейбір дерек көздері тастаяқты қазақтың тұла бойы тұңғыш ғалымы Шоқан Уәлиханов әкелді десе, енді бірі Орта Азия халықтарының мәдениеті мен тарихын зерттеуші, этнограф, белгілі саяхатшы, қазіргі Алматы, сол кездегі Верныйдың тұңғыш генерал-губернаторы Григорий Колпаковский әкелген деп жүр. Қалай десек те бұл екі есімнің қатар аталуына себеп те жоқ емес. Себеп сол – Ш.Уәлиханов пен Г.Колтаковский екеуі де Омбыдағы Батыс Сібір генерал- губернаторлығында адъютант боп қызмет еткені белгілі. Бұл кезінде I-ші Петрдің өзі аттай қалап алғызған «ақсүйектер ойыны» тастаяқтың Ресейде тамыр жайған шағы еді. Демек ақсүйек тұқымынан шыққан Шоқанның «ақсүйектер ойынына» аңсары ауғаны анық. Бүгінде Шоқанның ізін басып, қолына кий ұстап, тастаяққа құмартып жүргендер елімізде мыңдап саналатыны белгілі. Ал Тәуелсіз кәсіпкерлер қауымдастығы жанындағы «Бильярд клубтың» жетекшісі Жұмағұл Оразов болса кәсіпқой ойыншыларын көптеген жарыстарға қатыстырып, ойыншылық қабілетін арттырып жүргенін жақсы білеміз. Оған қауымдастықтың «Бильярд клубының» мүшелері Алматыдағы өтетін жарыстарға қалмай қатысып, қарсылас шақ келтірмей ұтып жүргені айқын дәлел болады. Қазіргі таңда «Бильярд клубтың» жұртшылыққа мақтанышпен көрсететін өзінің чемпиондары да бар. Клуб мүшелері алдағы маусымда да жеңісті жолдарын ары қарай жалғастырып, Алматы қаласында өтетін клуб аралық жарыстарға қатысуды жалғастырмақшы. Осы ретте Жұмағұл Оразовтың елімізге келген әлемге аты мәлім тастаяқшылармен клуб мүшелері арасында жолдастық кездесу өткізіп тұратынын да айтпай кетуге боламайды. Кәсіпкерлер бұған дейін Украина мен Ресейдің белді тастаяқшыларымен кездесіп, зор тәжрибе жинағанын айта кетуіміз керек. Бұдан басқа клбутың еліміздегі кәсіпқой бильярдистермен де байланысы бар. Жаңа маусымашар ойыны кезінде «Бильярд клубтың» мүшелерімен тілдесіп, ойларына қанықтық енді соған назар аударсаңыздар.  

Жігіттер осал емес

Ерғанат ҚАЙЫПОВ, ТКҚ жанындағы «Бильярд клубтың» мүшесі:

– Тәуелсіз кәсіпкерлер қауымдастығының «Бильярд клубынына» мүше болып, тастаяқты үзбей ойнап келе жатқаныма 7-8 жылдың жүзі болды. О баста біздің клубта төрт-бес қана жігіт едік. Аптасына бір мәрте бас қосып, өз арамызда ойнайтынбыз. Ол кезде қауымдастық жаңадан құрылып жатқан еді. Соның өзінде қауымдастықтың 200-ден астам мүшесі бар болатын. Бір күні Талғат Акуов қауымдастық ішінен клуб құрайық деген ұсыныс айтты. Біздер оның ұсынысын бірден қолдадық. Содан қауымдастыққа мүше кәсіпкерлер арасында құлақтандыру жасағаннан кейін, оннан астам кәсіпкер «Бильярд клубқа» мүше болуға өз өтініштерін тапсырғаны әлі есімде. Содан бері жыл сайын біздің клубтың мүшелері артып келеді. Қазргі таңда қатарымызда 30 астам ойыншымыз бар. Клубтың өзіндік формасы мен ережесін дайындадық. Ережеге сәйкес ойын кезінде ойыншыларымыз салаутты өмір салтын қатаң сақтайтынын айта кетуім керек. Алматы қаласындағы тастаяқшылдар біздің клубты жақсы таниды. Барлықтары ұйымдастырған жарыстарына қалдырмай шақырады. Соған қарағанда біздің жігіттердің оңай шағылатын жаңғақ еместігін байқау қиын емес. 

Бильярд мен үшін – хобби...

Жұмабек БАСТАУБАЕВ, ТКҚ жанындағы «Бильярд клубтың» мүшесі, 2008-2010 жылдардағы чемпион: